موقع الدفعة 19 صيدلة جامعة صنعاء

دفعة pharma glory_ كلية الصيدلة _ جامعة صنعاء .
 
الرئيسيةس .و .جبحـثالتسجيلدخول
الأعضاء الذي تم الغاء اشتراكهم عليهم التواصل مع مدير المنتدى /طلال الشهاب لتفعيل اشتراكهم .................
الإخوة والأخوات تم إضافة منتدى جديد الى منتدى الدفعة التاسعة عشر صيدلة (منتدى كل الألوان) باسم منتدى أبحاث التخرج إن شاء الله تفعلوه بمشاركاتكم فيه وتقبلوا تحياتي - طلال الشهاب .............

شاطر | 
 

 آخر حوار مع الرئيس

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ZID
•·.·´¯`·.·• (عضو سوبر) •·.·´¯`·.·•

•·.·´¯`·.·• (عضو سوبر) •·.·´¯`·.·•


وسام : وسام الابداع حلو

ذكر عدد الرسائل : 1013
العمر : 29
بلدك : اليمن
احترام قوانين الملتقى :
الأوسمة :
نقاط : 1962
تاريخ التسجيل : 04/12/2007

مُساهمةموضوع: آخر حوار مع الرئيس   3/4/2011, 14:31

الرئيس ........ اللي إسمها آمنه أو أمينه تقوم تدخل


هيا أدخلين اليوم بسرعه


الفندم قال عيسلم السلطة لآمنه



اللي عتدخل الأوله عتشلها قبل الثانيات


آمنه ......نشتي نبسر الرئيس ضروري


السكرتير ........مش هو فاضي اليوم


حاكيه .....قله آمنه وصلت


مشو وقتكم .....الفندم مبوسر اليوم .........زيد البسباس في الصبوح


ناهي بس إسمع ........أنا أمينه وهذه صاحبتي آمنه


وقد جت تستلم السلطه سعما قال الفندم........وهولا يداتها الثنتين معاها


البوساره حق اليوم مش هي سوى.....قدوه مكبود من المعتصمين جنب الجامعه



الله يخارجنا ... روحوا وارجعوا غدوه


ما علينا من الخبر هذا .... أنت غير حاكيه وحق القات علينا



ناهي .... ريعوا هانا




لكن بساعتك لا تحلبطناش



إجتماع مع الفندم ..........يافندم قد حاولنا مع مع المتظاهرين بكل الطرق ولاحقناهم من زغطي لا زغطي وكل يوم بيزيدوا ... ما بش فايده



الفندم....ما يخارجنيش هذا الخبر


الفندم .... رسلتوا لهم البلاطجه يخلفعوهم ويربوهم


رسلنا لهم وسوو الذي عليهم وما بش فايده



الفندم ......هولا المدبرين خسرونا قات وزلط على الفاضي .........مابش معاكم يابقر طريقه ثانيه نطيرهم من جنب الجامعه


مابش يا فندم



ليش ما تحاصروهم وتنشروا الأمن المركزي



وتحطوا القناصه يتنصعوا المتضاهرين


قد الأمن محاصرهم تمام يا فندم



والقاصه قد وزعناهم تمام فوق البيوت قبال ساحة الجامعه


الفندم ....وبعده ما زد سويتوا بعدها



يا فندم القناصه قد قتلوا منهم 52واحد


الفندم......بس 52 واحد .....أنا قلت تقلوا أبوهم كلهم


ما عنقدرش يا فندم قدهم خيرات



الفندم أين خيرات أين طلي هم غير إلا 5000 جاهل وما بش معاهم بنادق


الفندم ... لا تحلقوهاش عليا جني يبزكم كلكم



أحمد علي ... إسمع يابه أنا شدي لك إقتراح ....أنا شاقلب إسمي آمنه وتديلي السلطه وشاقع بدلك رأيس وأنا أوعدك ما حد يعسك

الفندم .....البرمات والحركات هذه تسويها عند أمك يا خضعي


يا فندم .....نش نشتي نقولك أن المتضاهرين قدهم أمام القصر يا فندم


الفندم .... الكل يخرجوا مخرج واللي شلوا مني الزلط يجلسوا


الفندم ... جالسين تضحكوا عليا
جالسين تضحكوا عليا يا مدبرين
أنا أوريكم يا ......تمكنوني الزلط جالسين تعمل لكم كل شئ


يا فندم عندي لك جماهير ساع حقهم الجماهير


الفندم ........ وهات يابي هات واصرف زلط وسيارات وبنادق وخسرتونا غدا وقات ومصاريف وذلحين وين الجماهير حق الأبو ألفين ريال وذلحيم مابحدهم ........ أين هم


يا فندم هولا يشلوا الزلط ويفحطا ما نفعل


الفندم ....... بيفحطوا أين بيسيروا



بيسيروا للجامعه بيعتصموا يا فندم


الفندم ..بيشلوا اللط ويسيروا يعتصموا وأنتو ما بتسووا
أنا جالس بين أعلفكم واحد واحد وكل واحد منكم يشل ويلهف
وبعدين مه نفسي نفسى وأنا راكن عليكم ولا نفعتوني ببصله
والبركاني وراعي الغنم هولا مكنوني .......عنسبر لك الأمور يا فندم
ونقلع لك العداد ونفصل لك دستور جديد
وذا حنبنا عندي لك آمنه عتسبر لك الأمور
وآخرتها قلعوني ... وأنا ودفت وشا سير هكذا بلاش

يا غارتاه ودفت يا علي عيشلوا الزلط والقصور والسيارات وكل شئ
وذلحين فين شاسير أرحلي جده

وما سوي هاناك أفتح بنشر علي صالح

وبعده مابش هاناك قات وما أقدرش أتحمل يوم بدون عودي قات
هولا أصحاب التغيير نكعوني من فوق الكرسي

وأنا قدلي 33 سنه سابط فوقه لوما ذحل
قوموا قامت بطونكم ...اتصلوا لا عند زين الهاربين يحجز لي غرفه جنبه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
آخر حوار مع الرئيس
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
موقع الدفعة 19 صيدلة جامعة صنعاء :: المنتدى العـــــــــــام :: ..:::المنتدى العــــام:::..-
انتقل الى: